Icône d'Elisabeth de la Trinité - Carmel de HarissaWewe Mvidi Mukulu wanyi, busatu bunsanto bundi nkukuila, ngambuluisha bua ndipue muoyo mu bujima buanyi, bua nshale muebe, tshiyi ntshikakana ne mutukije amu bunkadi muebe bua tshiendelele. Nansha tshinyi katshiyi ki ngumusha bupole buanyi, nansha kumpatula munda muebe. Wewe wanyi udi kayi utentemuka, kadi ungambula diba dionso mu bondoke bua busokome buebe.Talaja anyima wanyi, umuenze diulu diebe, tshisombelu tshiebe tshinanga ne muaba webe wa kuikishila. Tshiyi kukushiya nkayebe nansha, kadi ngkalaku ne bujima buanyi, mutabale muditaba, mu dikukukuila, mudifala mujima kumudimu webe wa bufuki.

Wewe Kristo wanyi munanga, Mupopela bua dinanga, ndi musue kuikala munanga wa muoyo webe, ndi musue kukuzangika mubutumbi bua lumu luebe, kukunanga ne dinanga dia lufu. Kadi ndi nguvua butekete buanyi ne ndi nkulomba ne unguuje ne bukole buebe Enza bua ne misalu yonso ya anyima wanyi ikale bu yebe, umbuikile mu wewa muine. Bua matuku anyi a panu ikale makenkesha ne bukole buebe. Luaku munda muanyi bu mulengaminyi, bu muakajiludi ne bu mupandishi.

Wewe muaku wa kashidi, muaku wa Mvidi, Mukulu wanyi, ndi musue kupitshiba matuku a muoyo wanyi onso buakuluteleja, ndi muse kudilekelela mu dindongesha diebe, bua ndonge bionso amu kuudi. Pashishe, mu midima yonso, mu bu tshianana, mu butekete bonso ndi musue kukulengamina diba dionso ne nshale mu butoke buebe bunene. Eyi wewe Munkenkeshi wanyi Munanaga, nshindike bua ne tshi monyi kabidi mua kupatuka mu bunkeke buebe.

Wewe kapia kabutula bionso, nyuma wa dinanga luaku kundi, bua bienzeke munda muanyi bu didifuka Muntu dia muaku, bua ngikala buy eye muine mu bu muntu buapabuabu, mudiye wenzulula malu ende onso masokome. Ne wewe Tatu inamina pa tshifukibua tshiebe tshikese etshi, tshibuikila ne mundidimbi webe, umone mu tshiosthio amu munangibua webe, uudi mutekela disanka diebe.

uenu basatu banyi, bianyi bionso, Ndiakalenga dianyi bunkaya bua kashidi ndi njimina mu bualabala buenu, ndi ndifila kuudi bu tshintu tshiebe. Dijikaku munda munayi bua meme panyi ndijika munda muebe, mudindila edi dia kuya kubandila mu butoke buebe bondoke bua bunene buenu.