Icône d'Elisabeth de la Trinité - Carmel de HarissaO Nzapa ti mbi, so i yeke Baba na Molenge na Yingo-Gbya mbi voro i, i mu maboko na mbi ti gilisa tere ti mbi kwe, ti ngba gi na i lakwe na ya ti siriri, a duti ba mo tene, yingo ti mbi a li na ya ti duti ti lakwe lakwe ! Zia si ye oko a buba siriri ti be ti mbi pepe wala a gboto mbi yongoro na i. I so i ngba gi i mveni lakwe lakwe, sala si na nzene ngbonga oko oko, mbi gi ti inga i ahon ti kosoni. I mu siriri na yingo ti mbi, sara si lo ga ndo ti i, ndo ti hungo tere ti i. Mbi lingbi ti zia si i ngba gi i oko pepe. Mbi ye ti duti lakwe na tere ti i, na yengo da na tene ti i na ta be ti mbi, na vorongo i, na mungo be ti mbi kwe na kusala ti i.

O Christ so mbi ye mo mingi, mo kwi na ndo ti croix ndali ti mbi. Mbi ye ti duti tongana kamba ti be ti mo, ti gonda mo, ti ye mo ngbi asi na kwa. Mè ngangu ni a tia mbi, ndani la mbi unda na mo ti mu maboko na mbi, ti sala si yingo ti mbi na ti mo a ga oko. Ga mo mu ndo kwe na ya ti be ti mbi, sala si mbi na mo i ga oko, tongaso si dunia ti mbi a kpa dunia ti mo. Ga na mbi tongana wavorongo Nzapa, walekengo ye na wasongo ye na wasengo azo.

O tene ti yanga ti Gbya Nzapa, so mo yeke lakwe lakwe, mbi ye ti ma tene ti mo lakwe, ga wafango ye na mbi: na atango ti mbingo, so ye kwe a tia mbi, na atango ti wokongo ti mbi ti zo, sala si mbi bi le ti mbi gi na mo ti ngba gi na gbe ti wa ti mo. O tongolo ti mbi so mbi ye mo mingi, gboto mbi na mbage ti mo si mbi lingbi ti gwe yongoro na zango ti mo pepe.

O wa ti gbingo ye, yingo ti ndoye, ga na ndo ti mbi, ti sala si yingo ti mbi a ga nde tongana ti so mo mu tere ti zo: tongaso si, na lege ti dunia ti mbi ti zo, mo lingbi ti sala akota ye mingi. Nzapa Baba, bi le ti mo na ndo ti mbi, senge zo so maboko ti mo a sala, gbara maboko ti mo na ndo ti mbi, ba mbi tongana molenge ti mo so mo ye lo mingi, so be ti mo a nzere na lo ahon ndoni.

O Baba na Molenge na Yingo-Gbya, be ti mbi na ngia ti mbi kwe ga na mo, mo yeke kota mingi, mbi zia tere ti mbi kwe na maboko ti mo: ga mo li na ya ti dunia ti mbi, si mbi nga mbi na ya ti ndoye ti mo, ti tene mbi ba ande, gbanda, kota ti mo so a za zango.